Skólanefnd
1. fundur skólanefndar Svalbarðsstrandarhrepps
haldinn í Valsárskóla 22. júní 2010 kl. 17:30.
Til umfjöllunar voru málefni Valsárskóla.
Fundinn sátu: Eiríkur H. Hauksson, Þóra Guðrún Hjaltadóttir, Telma Þorleifsdóttir, Einar Már Sigurðarson skólastjóri, Arndís Sigurpálsdóttir, fulltrúi kennara og Anna Halldóra Sigtrygssdóttir, fulltrúi foreldra.
Dagskrá:
-
Starfsmannamál
-
Skólastarfið
-
Önnur mál
Formaður nefndarinnar, Eiríkur H. Hauksson setti fundinn og tók fyrir verkaskiptingu nefndarinnar. Telma Þorleifsdóttir var kjörin varaformaður og Þóra Guðrún Hjaltadóttir ritari.
Starfsmannamál:
Einar Már sagði starf starfsmanns vistunar og stuðningsfulltrúa laust þar sem Ingibjörg hættir. Ákveðið að bíða með ráðningu til mánaðarmóta og skoða á þeim tíma hvort hægt sé nýta saman starfsmann úr Leikskólanum.
Auglýsing vegna kennarastöðu rann út í gær en vegna tengsla við einn umsækjanda vék Einar Már af fundi og aðstoðarskólastjóri Helgi kom í hans stað og kynnti umsóknir sem voru 10 talsins. Helgi mun, í samráði við formann skólanefndar ganga frá ráðningu.
Skólastarfið:
Einar Már kynnti eftirfarandi;
-að kanna þarf í ágúst byrjun hver sé vistunarþörf næsta vetrar.
-að kanna þarf breytingar á fyrirkomulagi sundkennslu þannig að hún verði bæði haust og vor.
-að líkur eru á að nemendafjöldi næsta vetrar verði um 50.
-kynnt var Skóladagatalið fyrir næsta skólaár með venjulegum fyrirvara.
-að lokum ítrekaði Einar Már að áfram yrði haldið með Olweus áætlunina.
Önnur mál:
Anna Halldóra sagði frá mjög vel heppnuðu skólaferðalagi nú í vor til Danmerkur og Þýskalands.
Nýjir nefndarmenn skrifuðu undir trúnaðaryfirlýsingu.
Fleira ekki gert. Fundargerð lesin og samþykkt.
Fundi slitið kl: 19:00
