Vinnuskóli

Skipulagðar fjarvistir vegna leyfa eða af öðrum ástæðum skal senda á netfangið postur@svalbardsstrond.is fram að sumarleyfi skrifstofu 22. júlí. Flokkstjórar sjá um skráningu tíma og fjarvista á meðan á lokun skrifstofu stendur.

- - -

Vinnuskóli Svalbarðsstrandarhrepps er starfræktur yfir sumarmánuðina, þ.e. júní, júlí og ágúst. Öll ungmenni í 7. - 10. bekk grunnskólans sem eru með lögheimili í Svalbarðsstrandarhreppi geta sótt um starf í Vinnuskólanum. Nemendur í 7. bekk vinna tvo fyrriparta í viku á þriðjudögum og fimmtudögum. Vinnutími nemenda í 8. – 10. bekk er mánudaga – fimmtudaga frá 8-16 og 8-12 á föstudögum.

Vinnuskólinn hefur að leiðarljósi að skapa hollt og uppbyggjandi sumarstarf fyrir unglinga á aldrinum 13 – 16 ára (nemendur sem lokið hafa 7. – 10. bekk). Reynt er að hafa sumarstörfin eins fjölbreytt og frekast er unnt, en fyrst og fremst er um að ræða umhverfisverkefni af ýmsum toga s.s. slátt og hirðingu lóða og opinna svæða, hreinsun rusls af vegsvæðum og víðar o.s.frv. Í starfi skólans er leitast við að unglingarnir kynnist þeim skyldum, sem því fylgir að taka þátt í atvinnulífi og að gera þá hæfari til starfa á almennum vinnumarkaði. Þeim er kennd notkun þeirra verkfæra sem nauðsynleg eru og notast við þau verkefni sem á hverjum tíma er unnið að. Þannig öðlist unglingarnir reynslu af verklegum störfum sem að gagni getur komið síðar meir.

Skráning í Vinnuskólann 2025 hefst miðvikudaginn 8. maí og lýkur miðvikudaginn 29. maí.

Hér á heimasíðu Svalbarðsstrandarhrepps er að finna upplýsingar um Vinnuskóla, skráningarblöð, leyfisbréf, reglur Vinnuskólans og vinnutíma.

Launakjör eru eftirfarandi hlutfall af launaflokki 117, að viðbættu 13,04% orlofi:

Laun m. orlofi