Skólanefnd

Valsárskóli / Álfaborg Kl. 16:15

a) Staða mála.
Tónlistardeildin: 28 nemendur stunda nám við skólann sem er svipaður fjöldi á s.l. ár. Tiiu Laur gerði grein fyrir starfinu sem gengur almennt vel.

Leikskóladeild: 24 börn eru á leikskólanum, 8 á ungbarnadeildinni og 16 eldri en tveggja ára, starfið hefur farið vel af stað.

Varðandi rútuferðir leikskólabarna hefur sú ákvörðun verið tekin að börn yngri en fjögurra ára fari ekki í rútuferðir á vegum leikskólans og er það vegna öryggisviðmiðana Samgöngustofu.
Vegna fyrirspurnar varðandi fylgd eldri systkina leikskólabarna í skólabílnum. Skólanefnd samþykkir fyrir sitt leyti að framvegis verði skólabíllinn fyrir grunnskólabörn en ekki leikskólabörn.

Grunnskólinn: 49 nemendur eru við grunnskólann. Sérstaklega hefur verið hugað að bættum námsárangri nemenda þetta misserið

Borið hefur á því að nemendur í skólabíl hafa ekki viljað hafa beltin spennt.

Skólanefnd bendir á að þeir sem ekki nota bílbelti eru ótryggðir ef óhapp hendir.

Skólastjóri fór yfir notkun farsíma nemenda í skólanum sem ekki hefur verið til vandræða nú í haust.

b) Erindi dagsett 27.sept. frá Þóru Torfadóttur.

Skólastjóri fór yfir málið og lagði til að farið yrði eftir viðmiðunarstundatöflu og skóladegi 1. – 4. bekkjar ljúki 13:40 alla daga vikunnar og boðið verði upp á biðtíma á mánudögum og miðvikudögum. Skólanefnd samþykkir tillöguna.