Umhverfis & Atvinnumálanefnd

1.

Vinnuskóli 2024 - 2404013

Farið yfir stöðu vinnuskólans fyrir sumarið 2024.

Búið er að klára að ráða í stöðu flokkstjóra vinnaskóla Svalbarðsstrandarhrepps fyrir sumarið 2024. Katrín Podlech og Jóhanna Þorgilsdóttir hafa báðar starfað með krökkum og unglingum á vegum Svalbarðsstrandarhrepps.

Krökkum fæddir 2008-2011 (fjöldi 22) með lögheimili í Svalbarðsstrandarhreppi stendur til boða að sækja vinnuskólann frá skólalokum fram í miðjan ágúst.

Samþykkt

2.

Umhverfisdagur 2024 - 2402006

Farið yfir skipulag dagsins.

Umhverfisdagur svalbarðsstrandarhrepps verður haldinn laugardaginn 4. maí klukkan 10:00. Dagurinn verður með venjubundnu sniði þar sem fólk dreifist meðfram þjóðveginum til að hreinsa í kringum hann innan sveitarfélagsmarka. Að lokinni ruslatínslu verður grillað ofan í mannskapinn á skrifstofu Svalbarðsstrandarhrepps.

Umhverfisnefnd stefnir á að halda fræðsluerindi í kringum umhverfisdaginn. Dagskrá fundarins verður auglýst síðar.

Samþykkt

3.

Stóri Plokkdagurinn 2024 - 2404015

Stóri plokkdagurinn verður haldinn um allt land sunnudaginn 28. apríl næstkomandi.

Lagt fram til kynningar.

Stóri plokkdagurinn kallast á við það sem Svalbarðsstrandarhreppur hefur gert á umhverfisdeginum í áraraðir. Skrifstofustjóra falið að kanna hvort hægt sé að tengju umhverfisdaginn við stóra plokkdaginn formlega.

Samþykkt

4.

Styrktarsjóður EBÍ 2024 - 2404014

Styrktarsjóður EBÍ var stofnaður árið 1996 og er tilgangur sjóðsins að styrkja með fjárframlögum sérstakar athuganir eða rannsóknir á ýmsum þróunarþáttum í atvinnulífi, samgöngum, fræðslu- og menningarmálum í aðildarsveitarfélögum EBÍ.

Lagt fram til kynningar.

Samþykkt

5.

Sorphirða - 2210004

Farið yfir sorphirðumál í upphafi árs og hvernig framhaldið verður í sumar

Lagt fram til kynningar.

Samþykkt