Tillögur 5.-6. bekkjar Valsárskóla að endurskoðuðu Aðalskipulagi Svalbarðsstrandarhrepps

Nemendur 5.-6. bekkjar Valsárskóla ásamt kennara, stuðningsfulltrúa og skrifstofustjóra hreppsins.

Nemendur í 5.-6. bekk Valsárskóla hafa síðustu vikur unnið að tillögum til að senda inn vegna endurskoðun Aðalskipulags Svalbarðsstrandarhrepps.

Þau mættu nú í morgun og afhentu skrifstofustjóra tillögurnar ásamt því að kynna hugmyndir sínar nánar. Skrifstofa Svalbarðsstrandarhrepps þakkar þeim fyrir framlag sitt í mótun Aðalskipulags Svalbarðsstrandarhrepps. Sveitarstjórn mun fara yfir tillögurnar á næsta aðalskipulagsfundi.

Frestur til að skila inn hugmyndum rennur út í dag 16. september og eru íbúar hvattir til að senda inn tillögur.