Laugardaginn 9. september verður réttað í Geldingsárrétt. Fjallskilastjóri reiknar með að fjörið í réttinni verði mest í kringum klukkan 13 til 15, en það fer að sjálfsögðu eftir því hvernig smölun gengur.
Þriðjudaginn 5. september fer fram opinn kynningarfundur á hraðlinum Startup Storm, sem Norðanátt stendur fyrir. Norðanátt er hreyfiafl nýsköpunar á Norðurlandi með markmiðið að skapa kraftmikið samfélag fyrir frumkvöðla og fyrirtæki á svæðinu sem eru að vinna að nýsköpun með áherslu á loftslagsmál og hringrásarhagkerfið.
Leikskólakennari eða leiðbeinandi óskast til starfa í leikskólanum Álfaborg í 100% stöðu og aðstoðarmanneskja í mötuneyti Álfaborgar og Valsárskóla í 100% stöðu.
Vinsamlega farið varlega og sýnið tillitssemi í kringum framkvæmdir við lagningu bundins slitlags á Grenivíkurvegi. Svalbarðseyrarvegur verður einnig yfirlagður frá afleggjara niður að Kjarnafæði.
